UASHINGTON — Bashkëthemeluesi i gjigantit teknologjik Microsoft, Bill Gates, ka lëshuar një alarm të ri lidhur me rreziqet katastrofike që i kanosen njerëzimit nga përparimi i pakontrolluar i Inteligjencës Artificiale.

Përgjatë një interviste për mediat ndërkombëtare, miliarderi amerikan nënvizoi nevojën urgjente për frenimin e ritmit aktual të zhvillimit të kësaj teknologjie, duke paralajmëruar për skenarët më të errët që mund të shkaktojë ajo.

“Inteligjenca Artificiale është sigurisht mjaftueshëm e fuqishme për të nxitur ngjarje që mund të rezultojnë në deri një miliard vdekje,” u shpreh Gates.

Lidhur me këtë kërcënim, ai u bëri thirrje autoriteteve shtetërore dhe politikëbërësve që të ndërhyjnë me urgjencë përmes legjislacionit strikt, duke përfshirë agjencitë e zbatimit të ligjit në monitorimin e plotë të sistemeve të inteligjencës artificiale.

Gjithashtu, Gates propozoi vendosjen e taksave të reja mbi kompanitë që përdorin këtë teknologji, duke marrë parasysh se proceset e automatizuara po zëvendësojnë në masë fuqinë punëtore njerëzore në mbarë globin.