BANGKOK — Autoritetet në Tajlandë kanë shpallur zyrtarisht gjendjen e emergjencës në të 50 distriktet e kryeqytetit Bangkok, pas më shumë se 48 orësh reshjeve të dendura të shiut që kanë përmbytur rrugët kryesore dhe kanë bllokuar tërësisht sistemin e kullimit.

Situata më e rëndë raportohet në zonat lindore të qytetit dhe pranë rrjetit të kanaleve, ku niveli i ujit ka arritur deri në bel. Guvernatori i Bangkokut, Chadchart Sittipunt, deklaroi se strukturat emergjente po punojnë me kapacitet të plotë për pompimin e ujit, por se përpunimi i shpejtë mbetet i vështirë për shkak të mbushjes tej mase të kanaleve.

Autoritetet u kanë bërë thirrje banorëve të qëndrojnë në shtëpi dhe të shmangin udhëtimet e panevojshme, ndërsa qytetarët që jetojnë pranë rrjetit të kanaleve janë këshilluar të zhvendosin sendet me vlerë në katet e sipërme të ndërtesave. Për shkak të përmbytjeve, mjaft biznese vendore kanë pezulluar punën, ndërsa trafiku rrugor është paralizuar në akset kryesore.

Deri më tani nuk raportohet për persona të humbur apo me pasojë jetën në kryeqytet, mirëpo ngjarja ka rikthyer në kujtesë përmbytjet katastrofike të vitit 2011. Shërbimi Meteorologjik i Tajlandës paralajmëron se stuhia dhe zona me presion të ulët po zhvendosen drejt Tajlandës qendrore, çka pritet të sjellë reshje të tjera intensive përgjatë të gjithë javës.

JUST IN: Bangkok, Thailand declares state of disaster in all 50 of the city's districts amid severe flooding. pic.twitter.com/Q2r46FKcVH

— AZ Intel (@AZ_Intel_) September 26, 2026

Bangkok has become one with the sea. The soothsayers were right. Video from Petchburi. pic.twitter.com/kndo3OY4nT

— Sunny BKK Dude 🇹🇭 🏝️🎵 (@bkkdude) September 26, 2026

Breaking: Major flooding across Bangkok due to torrential rain. pic.twitter.com/mJuegrx98O

— PM Breaking News (@PMBreakingNews) September 26, 2026