MILANO — Aeroporti ndërkombëtar i Malpensës në Milano do të mbajë zyrtarisht emrin e ish-kryeministrit të njohur italian, Silvio Berlusconi. Vendimi është zyrtarizuar përmes një ceremonie të mbajtur këtë të premte, më 25 shtator.

Vendimi i Autoritetit Italian të Aviacionit Civil (ENAC) për riemërtimin e aeroportit erdhi pas kapërcimit të betejave ligjore në gjykatë. Nisma hasi më parë kundërshtime nga Bashkia e Milanos dhe disa bashki të tjera të rajonit, mirëpo në prill të këtij viti, Gjykata Administrative Rajonale e Lombardisë hodhi poshtë ankesat kryesore, duke i hapë rrugë vendosjes së sinjalistikës së re.

Në emër të familjes, vajza e tij e madhe dhe presidentja e "Fininvest", Marina Berlusconi, u shpreh për agjencinë e lajmeve ANSA se ndjen krenari dhe emocion të veçantë që emri i babait të saj do të jetë i pranishëm në një prej nyjeve kryesore të aviacionit që lidh Milanon me botën.

Silvio Berlusconi, i cili ndërroi jetë në qershor të vitit 2023, ka qenë një nga figurat më me ndikim në politikën dhe sipërmarrjen mediatike e biznesore në Itali për disa dekada me radhë.