Qeveria italiane e udhëhequr nga Giorgia Meloni ka miratuar një paketë të re masash për arsimin, e cila vendos një tavan prej 30% për numrin e nxënësit të huaj në çdo klasë. Rregullat e reja parashikohet të hyjnë në fuqi nga viti i ardhshëm shkollor, me përjashtim të fëmijëve të huaj që kanë ndjekur kopshtin në Itali apo që kanë përfunduar dy vitet e para të arsimit fillor atje.

Për shkollat që e kalojnë këtë prag, nxënësit e rinj do të orientohen drejt institucioneve të tjera më të afërta, ndërsa parashikohen edhe fonde shtesë për kurse mbështetëse të gjuhës italiane. Paketa e re ligjore përfshin gjithashtu ndalimin e burkës në ambientet shkollore si dhe detyrimin për prindërit e huaj që të ndjekin kurse integrimi të gjuhës, ku mospërmbushja e detyrimeve mund të dënohet me gjoba nga 200 deri në 1,000 euro.

Kryeministrja Meloni e mbrojti reformën duke e cilësuar si një hap që shmang izolimin e klasave dhe nxit integrimin real të nxënësve, ndërsa Ministri i Arsimit, Giuseppe Valditara, nëvizoi se përfshirja e prindërve është thelbësore për ecurinë arsimore të fëmijëve.