Ambasadorja e Izraelit në Shqipëri, Galit Peleg, ka përfunduar misionin e saj diplomatik në vendin tonë dhe është vlerësuar nga kryeministri Edi Rama me medaljen “Ylli i Mirënjohjes Publike”.

Ceremonia e dorëzimit të titullit u zhvillua në ambientet e Vilës së Kuqe. Vlerësimi iu acordua diplomates izraelite në shenjë mirënjohjeje për përkushtimin dhe kontributin e saj të veçantë në forcimin e marrëdhënieve dypalëshe dhe miqësisë mes Shqipërisë dhe Izraelit.

Përmes një reagimi zyrtar në faqen “Izraeli në Shqipëri”, u shpreh falënderimi për vlerësimin e marrë në përmbyllje të mandatit diplomatik.

Ambasadorja Peleg u shpreh se largohet nga Shqipëria me kujtimet më të mira për ngrohtësinë, mikpritjen dhe nivelin e bashkëpunimit të përjetuar gjatë viteve të shërbimit të saj në Tiranë.