Protesta e 117-të kundër qeverisë është mbyllur mbrëmjen e sotme me pjesëmarrjen e një numri të madh qytetarësh dhe aktivistësh.

Marshimi përfundoi në sheshin “Nënë Tereza”, ku pjesëmarrësit u shprehën se do të rikthehen sërish nesër në shesh për të vijuar qëndresën e tyre.

Gjatë marshimit, protestuesit përsëritën thirrjet “Ju erdhi fundi!” dhe “Rama jep dorëheqjen!”, duke kërkuar gjithashtu anulimin e disa ligjeve të miratuara nga mazhoranca.

Aktivistët dhe qytetarët bënë thirrje të drejtpërdrejta për arrestimin e kryeministrit Edi Rama, duke i lidhur kërkesat e tyre me zhvillimet e fundit dhe skandalin në SHISH.

Sipas protestuesve, ngjarjet e fundit dëshmojnë se institucionet kryesore të shtetit kanë rënë në shërbim të krimit të organizuar.