Tiranë, 24 shtator 2026 – Protesta e zhvilluar para Kuvendit të Shqipërisë ka vijuar me thirrje të forta nga qytetarët, ndërsa Policia e Shtetit ka zgjeruar perimetrin e sigurisë rreth godinës së Parlamentit.

Që në nisje të tubimit, disa persona janë shoqëruar nga efektivët e policisë, ndërsa forcat e rendit kanë shtuar praninë në zonën përreth Kuvendit për të kontrolluar lëvizjet dhe për të shmangur përshkallëzimin e situatës.

Protestuesit kanë drejtuar akuza ndaj mazhorancës dhe institucioneve, duke përdorur ndër të tjera thirrjet “Parlament i krimit”, “Parlament i drogës” dhe “Ku e keni Vlorën?”.

Thirrjet lidhen me zhvillimet e fundit rreth ish-drejtoreshës së Shërbimit Informativ të Shtetit, Vlora Hyseni, dhe hetimeve që kanë përfshirë edhe biznesmenin Ergys Agasi.

Protesta zhvillohet në një situatë të tensionuar politike, ndërsa në Kuvend po vijon aktiviteti parlamentar. Forcat e policisë mbeten të dislokuara në terren dhe po monitorojnë situatën në zonën përreth institucionit.