Përfaqësuesi i Përhershëm i SHBA-së në NATO, Matthew Whitaker, ka deklaruar zyrtarisht se Kremlini nuk kërkon një konflikt ushtarak me Aleancën e Atlantikut të Veriut. Gjatë një diskutimi të organizuar nga Këshilli i Çikagos për Çështjet Globale, Whitaker bëri thirrje për shmangien e alarmizmit pas incidenteve me dronë e shkeljeve ajrore — përfshirë rastin e fundit të hyrjes së një helikopteri rus në hapësirën ajrore polake nga Kaliningradi —, duke theksuar se "Presidenti rus Vladimir Putin nuk dëshiron konflikt me NATO-n".

Pavarësisht këtij vlerësimi, zyrtari amerikan u bëri thirrje të prerë aleatëve evropianë për rritjen e menjëhershme të kapaciteteve ushtarake dhe buxheteve të mbrojtjes. Whitaker nëvizoi se Evropa renditet e katërta në prioritetet strategjike të SHBA-së — pas mbrojtjes së territorit amerikan, hemisferës perëndimore dhe rajonit të Paqësorit —, duke dërguar një mesazh të qartë se vendet evropiane duhet të marrin përgjegjësi më të mëdha për sigurinë e tyre pa u mbështetur plotësisht te Uashingtoni.