Përzgjedhësi i kombëtares së Brazilit, Carlo Ancelotti, ka ngritur shqetësimin mbi kalimin e parakohshëm të talenteve të reja braziliane drejt klubeve evropiane, ku shpesh përfundojnë në stol. Duke marrë si shembull Endrick — i cili u transferua te Real Madridi për 50 milionë euro por ka pasur hapësira të kufizuara — dhe Estevão-n, Ancelotti theksoi se pa minuta në fushë, zhvillimi i djemve të rinj frenohhet me të arritur moshën 18-19 vjeçare. Tekniku italian u shpreh hapur: "Problemi i djemve brazilianë është se nuk përmirësohen, sepse nuk luajnë… Pa luajtur, nuk mund të përparojnë".

Për të adresuar këtë problematikë, Ancelotti ka mbështetur planin e ri të Federatës Braziliane të Futbollit (CBF) për të mbrojtur lojtarët vendas. Strategjia e re synon të reduktojë numrin e futbollistëve të huaj në kampionatin brazilian nga 9 që është aktualisht, në 8 në vitin 2027 dhe gradualisht në vetëm 5 deri në vitin 2030, me qëllim që klubet vendase t’u japin më shumë rol dhe minuta talenteve të reja.