Policia e Shtetit ka zbardhur detajet e plagosjes me mjet prerës të ndodhur mbrëmjen e sotme në Tiranë, duke prangosur autorin e dyshuar të ngjarjes. Sipas njoftimit zyrtar të autoriteteve, pas reagimit të menjëhershëm operativ në rrugën "Marko Boçari", u bë i mundur arrestimi i 50-vjeçarit me iniciale T. N.

Hetimet e para konfirmojnë se 50-vjeçari ka goditur me mjet prerës shtetasin K. C., 49 vjeç, pas një konflikti të çastit për motive të dobëta. I dëmtuari ndodhet aktualisht në spital nën kujdesin e mjekëve, ndërsa materialet procedurale i janë referuar Prokurorisë së Tiranës për veprime të mëtejshme ligjore.

Tiranë

Plagosi me mjet prerës 49-vjeçarin, falë reagimit të menjëhershëm të shërbimeve të Policisë, kapet dhe vihet në pranga autori i dyshuar.

Shërbimet e Policisë, menjëherë pas marrjes së njoftimit se në rrugën “Marko Boçari” ishte dëmtuar me mjet prerës shtetasi K. C., 49 vjeç, shkuan në vendngjarje për të sqaruar autorësinë dhe rrethanat e rastit.

Si rezultat i reagimit të menjëhershëm dhe veprimeve të shpejta hetimore e operacionale, u identifikua, u kap dhe u vu në pranga autori i dyshuar, shtetasi T. N., 50 vjeç.

Nga veprimet e deritanishme hetimore dyshohet se 50-vjeçari ka plagosur me mjet prerës 49-vjeçarin, pas një konflikti për motive të dobëta.

I dëmtuari ndodhet në spital, nën kujdesin e mjekëve.

Materialet procedurale iu referuan Prokurorisë, për veprime të mëtejshme.