Të dhënat po ngarkohen...
Transmetuar më 23-09-2026, 15:36
48-vjeçari ishte paraqitur paraditen e djeshme në spital për ndihmë mjekësore. Ai rezultonte i shpallur në kërkim me masë sigurie “Arrest në burg”.
Shkodër – Një 48-vjeçar, i cili ishte i shpallur në kërkim nga drejtësia, ka humbur jetën mbrëmjen e djeshme në Spitalin Rajonal të Shkodrës.
Sipas informacionit të Policisë, K. D., banues në fshatin Grudë e Re, ishte paraqitur në spital paraditen e së njëjtës ditë për të marrë ndihmë mjekësore, pasi vuante nga një sëmundje.
Mbrëmjen e djeshme, 48-vjeçari ka ndërruar jetë në spital, raporton noa.al.
Ai rezultonte person i shpallur në kërkim, pasi Gjykata e Shkodrës kishte caktuar ndaj tij masën e sigurisë “Arrest në burg” për veprat penale “Kanosja për shkak të detyrës” dhe “Mbajtja pa leje dhe prodhimi i armëve, armëve shpërthyese dhe i municionit”.
Grupi hetimor, nën drejtimin e Prokurorisë, po vijon veprimet për dokumentimin e plotë të rrethanave të rastit. /noa.al
Shënim: Çdo person që mund të përmendet në përmbajtjen e këtij artikulli, mbështetur mbi parimin procedural penal dhe atë universal të prezumimit të pafajësisë, konsiderohet i pafajshëm penalisht, nëse nuk ka ose deri kur të ketë një vendim të formës së prerë.
Shënim: Në disa lajme, imazhet gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.
Bashkohu me kanalin e NOA WhatsApp për lajmet më të fundit direkt në celularin tënd