TIRANË — Kryekomisari dhe drejtues të lartë të Policisë së Shtetit janë prekur nga një valë e re lëvizjesh dhe emërimesh në nivel vendor, pas urdhrit të nxjerrë nga Drejtori i Përgjithshëm i Policisë së Shtetit. Ndryshimet e strukturave drejtuese përfshijnë Drejtorinë Vendore të Policisë Berat si dhe komisariatet e Sarandës, Dibrës dhe Tropojës.

Në kuadër të këtij ndryshimi me urdhër të kryepolicit:

Dritan Lena, i cili mbante detyrën e Shefit të Sektorit të Planifikimit Operacional në Drejtorinë e Forcës Kombëtare të Sigurisë, është transferuar dhe emëruar Drejtor i Drejtorisë Vendore të Policisë Berat.

Kryekomisar Saimir Shkambaj, deri tani Shef i Komisariatit të Policisë Tropojë, transferohet dhe emërohet Shef i Komisariatit të Policisë Sarandë.

Komisar Feliks Hoda, i cili drejtonte Komisariatin e Policisë Sarandë, transferohet dhe emërohet Shef i Komisariatit të Policisë Dibër.

Komisar Andi Kano, me detyrë Shef i Hetimit të Krimeve në Tropojë, komandohet në pozicionin e Shefit të Komisariatit të Policisë Tropojë.

Ndryshimet drejtuese në nivel policor vijnë në kuadër të riorganizimit të strukturave vendore dhe rritjes së efikasitetit të rendit e sigurisë publike në këto qarqe.