Me ftesë të presidentit amerikan Donald Trump, të mërkurën pasdite presidenti kinez Xi Jinping u nis me aeroplan të posaçëm nga Pekini për të zhvilluar një vizitë shtetërore në ShBA.

Presidentin Xi e shoqërojnë në këtë vizitë bashkëshortja e tij Peng Liyuan, drejtori i Zyrës së Përgjithshme të Komitetit Qendror të PKK-së Cai Qi, ministri i Jashtëm Wang Yi, etj.

Takimi i 24 shtatorit në Shtëpinë e Bardhë midis Presidentit amerikan Donald Trump dhe Presidentit kinez Xi Jinping zhvillohet në një çast kur marrëdhëniet ndërmjet dy fuqive më të mëdha të botës janë njëkohësisht konkurruese, të ndërvarura dhe të detyruara të bashkëpunojnë.

Ky takim, siç analizon CGTN, nuk është thjesht një episod tjetër në kalendarin e diplomacisë së nivelit të lartë. Është një provë nëse Washingtoni dhe Pekini mund ta shndërrojnë rivalitetin e tyre nga një përplasje gjithnjë e më e rrezikshme në një konkurrencë të menaxhuar, me rregulla, kufij dhe mekanizma komunikimi.