VARSHAVË — Polonia ka nisur përgatitjet infrastrukturore për ndërtimin e një baze të re të përhershme ushtarake të Shteteve të Bashkuara të Amerikës, e cila parashikohet të emërtohet “Fort Trump”.

Lajmi është bërë i ditur nga zyrtari polak Karol Nawrocki, i cili konfirmoi se puna teknike për infrastrukturën mbështetëse ka nisur tashmë dhe se miratimi përfundimtar i projektit është çështje kohe.

Nawrocki shprehu besimin se baza ushtarake do të jetë plotësisht funksionale përpara përfundimit të mandatit të Presidentit Donald Trump në vitin 2029.

Lidhur me ecurinë e projektit dhe pjesëmarrjen e Presidentit amerikan, Karol Nawrocki deklaroi:

“Kur të përfundojnë punimet, mendoj se presidenti Trump do të mund të marrë pjesë personalisht në inaugurimin e ‘Fort Trump’ në Poloni.”

Nisma për ndërtimin e “Fort Trump” synon të forcojë praninë ushtarake të SHBA-së në krahun lindor të NATO-s dhe të konsolidojë partneritetin strategjik të sigurisë mes Varshavës dhe Uashingtonit.