VLORË — Një vatër e fuqishme zjarri është aktivizuar në zonën e Akërnisë, në afërsi të aeroportit të Vlorës, duke djegur sipërfaqe me bimësi dhe një stan në këtë zonë.

Menjëherë pas marrjes së sinjalizimit, shërbimet e mbrojtjes nga zjarri dhe shpëtimit janë nisur drejt vendngjarjes për të izoluar vatrën dhe për të vendosur situatën nën kontroll.

Era e fortë që fryen në zonë dhe prania e bimësisë së thatë po favorizojnë përhapjen me shpejtësi të flakëve, duke ndërlikuar punën e ekuipazheve zjarrfikëse në terren.

Shkaqet e rënies së zjarrit mbeten ende të panjohura, ndërsa forcat e ndërhyrjes po punojnë intenzivisht për neutralizimin e flakëve dhe mbrojtjen e perimeterit përreth strukturave të aeroportit.