Dita e sotme do të vijojë nën ndikimin e të njëjtave kushte atmosferike me mot kryesisht të kthjellët në të gjithë territorin e vendit. Përjashtim do të bëjnë vetëm vranësirat e pakta kalimtare, të cilat pritet të shfaqen përgjatë relieveve malore në zonat lindore nga orët e mesditës deri në pasdite.

Sipas parashikimeve, era do të fryjë nga verilindja drejt veriperëndimit me një shpejtësi mesatare prej 8 m/s, ndërsa përgjatë vijës bregdetare dhe në zonat luginore do të arrijë intensitet më të lartë deri në 18 m/s. Sa i përket kushteve detare, valëzimi në dete parashikohet të luhatet nga 2 deri në 4 ballë.