Eksperti i sigurisë Ervin Karamuço, gjatë një interviste televizive, ka komentuar masën e sigurimit të caktuar ndaj ish-drejtueses së SHISH-it, Vlora Hyseni, duke e cilësuar ndërhyrjen e SPAK-ut si të nxituar. Karamuço argumentoi se ekzekutimi i menjëhershëm i masës shtrënguese cenon marrëdhënien e punës dhe bashkëpunimin e përditshëm mes Prokurorisë së Posaçme dhe Shërbimit Informativ të Shtetit.

Sipas ekspertit, organet e drejtësisë duhet të mbronin interesin e shtetit duke bërë dallimin mes përgjegjësisë individuale të zyrtarit dhe funksionimit të institucionit. Ai solli në vëmendje praktikat e mëparshme ku personave nën hetim u është dhënë kohë pas njohjes me akuzat për të shmangur arrestimin drejtpërdrejt nga detyra, çka sipas tij do të parandalonte dëmtimin e veprimtarisë strategjike të inteligjencës kombëtare.