Aktorja Egla Ceno ka denoncuar publikisht dhe pranë organeve të policisë një mesazh të rëndë kërcënues të marrë vetëm një ditë pasi fali në protestën e organizuar kundër qeverisë. Përmes një postimi në rrjetet sociale, ajo bëri me dije se nuk trembet nga shantazhet e tilla, ndërsa publikoi përmbajtjen e mesazhit ku përdorej gjuhë e dhunshme dhe kërcënime të drejtpërdrejta për integritetin e saj fizik.

Në mesazhin e publikuar, autori me iniciale A.S., i cili prezantohet si "komandant special i Forcave Alfa" dhe i stërvitur nga shërbimet sekrete për raste ekstreme, pretendon se ka marrë forcë mbi rendin dhe lëshon kërcënime eksplicite ndaj aktores lidhur me aktivitetin e saj në protestë: "Keni tre muaj që turbulloni Shqipërinë… të betohem përpara gjithë popullit shqiptar që do ta mbaj fjalën…". Pas bërjes publike të këtij rasti, aktorja i është drejtuar zyrtarisht strukturave të policisë për hetimin dhe identifikimin e autorit.