Momente paniku janë regjistruar pasditen e kësaj të marte në një kompleks pallatesh 11-katëshe në Lushnjë, pas alarmit të shkaktuar nga tymi i dendur që dilte nga garazhi nëntokësor i ndërtesës. Edhe pse fillimisht u dyshua për një zjarr në strukturën e pallatit, verifikimet e mëvonshme konfirmuan se flakët kishin nisur nga mbeturinat jashtë ndërtesës dhe më pas kishin depërtuar brenda ambienteve të garazhit.

Ngjarja shkaktoi evakuimin e menjëhershëm të banorëve nga apo banesat e tyre, ndërsa automjetet e parkuara nëntokë u nxorën me shpejtësi pa pësuar dëmtime. Ndërhyrja e menjëhershme e forcave zjarrfikëse dhe policisë bëri të mundur izolimin e plotë të flakëve dhe normalizimin e situatës, duke shmangur dëmet materiale dhe lëndimet në njerëz.