Ditën e sotme, një vatër zjarri e përmasave të mëdha është aktivizuar në fshatin Delisuf të Njësisë Administrative Novoselë në Vlorë, ku flakët janë përhapur me shpejtësi të ndihmuara nga era e fortë. Raportohet se zjarri ka djegur një sipërfaqe të konsiderueshme me pemëtari si dhe një stallë bagëtish, në të cilën për fat të mirë nuk kishte kafshë në momentin e rënies së flakëve.

Forcat zjarrfikëse ndodhen menjëherë në vendngjarje dhe po punojnë për izolimin e vatrës, ndërsa në operacionin e shuarjes së zjarrit janë bashkuar edhe banorët e zonës për të parandaluar përhapjen e mëtejshme të flakëve.