Debati publik rreth Nicotine Pouches (qeseve të nikotinës), cigareve elektronikë dhe pajisjeve që ngrohin duhanin shpesh zhvillohet mes deklaratash të prera. Çfarë thonë faktikisht agjencitë e pavarura shëndetësore dhe studimet shkencore?

Konsensusi mbi të cilin ndërtohet debati i "reduktimit të dëmit" është ky: pjesa më e madhe e dëmit shëndetësor nga duhanpirja vjen nga djegia e duhanit, rreth 7.000 substanca kimike, prej të cilave të paktën 158 toksike ose kancerogjene. Produktet që nuk digjen (nicotine pouches) ose e ngrohin duhanin pa e djegur (cigarette elektronike) e evitojnë pjesën më të madhe të këtyre substancave.

Agjencia franceze e sigurisë shëndetësore (ANSES) publikoi një raport bazuar në afër 3.000 studime, i fokusuar te cigaret elektronike. Përfundimi kryesor: ngrohja ekspozon përdoruesin ndaj aldehideve kancerogjene (formaldehid, acetaldehid, akrolein) në sasi 80 deri 100% më të ulëta se tymi i cigares.

Një studim vlerësues i publikuar në prill 2026 në revistën Internal and Emergency Medicine, i autorit Konstantinos Farsalinos (kardiolog dhe studiues i njohur në fushën e reduktimit të dëmit), analizoi literaturën ekzistuese mbi përbërjen kimike, profilin toksikologjik dhe dhënien e nikotinës nga nicotine pouches.

Analizat kimike dhe studimet me biomarkerë tregojnë vazhdimisht se qeset e nikotinës qëndrojnë në skajin më të ulët të spektrit të rrezikut nga toksinat, ndërsa nitrozaminat specifike të duhanit (substanca fort kancerogjene, të pranishme te duhani) rezultojnë kryesisht të papërcaktueshme ose në sasi shumë të ulëta.

Baza shkencore mbi të cilën ndërtohet ky consensus, se dëmi kryesor i duhanpirjes vjen nga djegia, jo domosdoshmërisht nga vetë nikotina, njihet gjerësisht nga agjenci shëndetësore të pavarura në mbarë botën, përfshirë FDA-në amerikane, e cila ka autorizuar zyrtarisht produkte të tjera pa djegie (si pajisjet e ngrohjes së duhanit) si mjete që reduktojnë ndjeshëm ekspozimin ndaj substancave të dëmshme krahasuar me cigaren.

Si çdo produkt që përmban nikotinë, qeset nuk janë krejtësisht pa rrezik: studime më të vogla kanë vërejtur mundësi për efekte lokale në gojë dhe efekte kardiovaskulare të varura nga doza e nikotinës, ndërsa baza e studimeve afatgjata të pavarura mbetet ende relativisht e re, pasi produkti ka vetëm disa vite në treg.

Rregullatorët theksojnë gjithashtu nevojën për kujdes ndaj përdorimit nga të miturit. Këto janë arsye pse shumica e ekspertëve i rekomandojnë nicotine pouches si alternativë për të rriturit që tashmë përdorin nikotinë e nuk arrijnë ta lënë plotësisht, jo si produkt hyrës për dikë që nuk ka pasur kurrë kontakt me nikotinën.

Të dhënat shkencore të deritanishme i vendosin bindshëm nicotine pouches larg nga cigarja në spektrin e rrezikut. Për një të rritur që kërkon një rrugë më pak të dëmshme drejt nikotinës, kjo bazë shkencore e bën qesen e nikotinës një nga alternativat më premtuese aktualisht të disponueshme, me kushtin që përdorimi i saj të mbetet brenda kontekstit të zëvendësimit të plotë të cigares, jo si shtesë e saj apo si produkt fillestar për jo-duhanpirësit.