VLORË — Një automjet i parkuar është përfshirë tërësisht nga flakët gjatë orëve të mesnatës në lagjen “24 Maji” të qytetit të Vlorës. Ngjarja është regjistruar rreth orës 01:00, duke shkaktuar djegien e plotë të mjetit.

Nga këqyrja e vendit të ngjarjes, policia dyshon se bëhet fjalë për një zjarrvënie të qëllimshme dhe ka nisur hetimet për zbardhjen e rrethanave e motiveve të këtij akti.

Në kuadër të veprimeve hetimore, grupi i punës ka sekuestruar dhe po verifikon pamjet e kamerave të sigurisë të bizneseve dhe banesave pranë zonës ku ndodhi ngjarja, me qëllim identifikimin e autorëve të mundshëm.