TIRANË — Ish-Drejtori i Përgjithshëm i Policisë së Shtetit, Ilir Proda, ka dalë nga ambientet e Prokurorisë së Posaçme kundër Korrupsionit dhe Krimit të Organizuar (SPAK) gjatë orëve të mëngjesit të sotëm.

Dalja e tij nga godinë e SPAK-ut vjen pas ekzekutimit të vendimit të Gjykatës së Posaçme (GJKKO), e cila ka miratuar urdhrat për kontroll personal dhe kontroll të banesës ndaj tij.

Oficerët e Byrosë Kombëtare të Hetimit (BKH) kanë ushtruar kontrolle blic në disa ambiente në kryeqytet, përfshirë banesën e drejtoreshës së Shërbimit Informativ të Shtetit (SHISH), Vlora Hyseni, atë të Ilir Prodës, si dhe të disa ish-zyrtarëve të tjerë. Të dhënat e para hetimore sugjerojnë se këto veprime lidhen me hetimet për skandalin në Agjencinë Kombëtare të Shoqërisë së Informacionit (AKSHI), pas zbulimit të komunikimeve në pajisjet telefonike të sekuestruara shtetasve Ergys Agasi dhe Uljan Shpataraku.