Ditën e sotme, Shqipëria do të jetë nën ndikimin e kushteve atmosferike relativisht të paqëndrueshme, ku me kalimin e orëve dhe kryesisht pas mesditës priten alternime vranësirash dhe kthjellime të herëpashershme.

Reshje shiu me intensitet të ulët parashikohen që në orët e para të mëngjesit në zonën e juglindjes, ndërsa gjatë pjesës tjetër të ditës në veri dhe lindje do të ketë reshje lokale si dhe shtrëngata të izoluara në zonat malore.

Lidhur me parametrat e erës dhe detit, era do të fryjë nga verilindja dhe veriperëndimi me një shpejtësi mesatare prej 9 m/s, duke arritur hove më të fortë nga 16 deri në 18 m/s përgjatë vijës bregdetare, luginave dhe zonave malore. Si pasojë e forcimit të erës, valëzimi në det do të jetë i forcës 3 deri në 4 ballë.