Pesë rrjetet kryesore televizive në SHBA — ABC, CBS, CNN, Fox News dhe NBC — kanë marrë vendim të përbashkët për të mos mbuluar më aktivitetet e Shtëpisë së Bardhë, pas vendimit të administratës presidenciale për t’i hequr aksesin rrjetit CNN. Përmes një deklarate të përbashkët, mediat nëvizuan se asnjë administratë nuk duhet të kufizojë raportimin e pavarur dhe refuzuan të zëvendësojnë CNN-in në sistemin e mbulimit me rotacion, duke bllokuar kështu furnizimin me pamje për transmetuesit e tjerë.

Ndërkohë, përplasja ka kaluar në nivel ligjor, ku CNN, Ms. Now dhe Politico kanë paditur administratën e presidentit Donald Trump në gjykatën federale në Uashington, duke pretenduar shkelje të Amendamentit të Parë për lirinë e shtypit dhe duke kërkuar rikthimin e menjëhershëm të akreditimeve. Nga ana tjetër, presidenti Trump ka reaguar në rrjetet sociale duke mohuar sulmet ndaj shtypit të lirë, ndërsa theksoi se veprimet e tij synojnë luftimin e "lajmeve të rreme", të cilat ai i cilësoi si një kërcënim për sigurinë kombëtare.