Këshilli Bashkiak i Matit ka miratuar me shumicë votash propozimin për bashkimin e kësaj bashkie me atë të Klosit, në kuadër të riorganizimit të ri administrativ territorial të vendit. Vendimi u mor gjatë mbledhjes së zhvilluar këtë të hënë, ku morën pjesë 20 nga 21 anëtarët e këshillit.

Pas diskutimeve mbi draft-propozimin për njësitë e vetëqeverisjes vendore, projekt-vendimi u votua nga anëtarët e pranishëm, duke marrë 14 vota pro, 5 kundër dhe 1 abstenim. Kjo votim i hap rrugë dërgimit zyrtar të qëndrimit të pushtetit vendor në Mat drejt Parlamentit.

Me këtë miratim, Këshilli Bashkiak dhe kryetari i bashkisë do t’i përcjellin Kuvendit dokumentacionin përkatës për bashkimin e dy njësive administrative. Drafti përfundimtar i reformës territoriale pritet të shqyrtohet dhe të kalojë për votim në seancë plenare më 8 tetor.