Kapiteni i kombëtares zvicerane të futbollit, Granit Xhaka, ka pranuar publikisht se gjatë periudhës së pandemisë COVID-19 kishte siguruar një certifikatë jo autentike vaksinimi. Përmes një deklarate zyrtare, mesfushori shprehu keqardhje për veprimin e tij, duke e cilësuar atë si një gabim të shtyrë nga pasiguria dhe frika ndaj vaksinës, ndërsa konfirmoi gatishmërinë e plotë për të bashkëpunuar me organet e drejtësisë.

Rasti ka kaluar në duart e Prokurorisë së Lucernës, e cila ka nisur hetimet dhe pritet ta marrë në pyetje futbollistin më 6 tetor. Sipas ekspertëve të së drejtës penale në Zvicër, vepra e falsifikimit të dokumenteve parashikon dënime që variojnë nga gjoba deri në pesë vite burgim, megjithëse për persona pa precedentë penalë skenari më i mundshëm mbetet ai i një dënimi financiar me kusht dhe gjobë administrative.

Çështja ka dhënë efekte të menjëhershme edhe në aspektin sportiv. Në mirëmirëkuptim me Federatën Zvicerane të Futbollit, Xhaka nuk do të jetë pjesë e grumbullimit për katër ndeshjet e ardhshme të Ligës së Kombeve gjatë muajve shtator dhe tetor, me qëllim që situata ligjore të adresohet jashtë mjedisit të përfaqësueses.