POGRADEC — Detaje të reja janë zbardhur lidhur me ngjarjen e ndodhur gjatë orëve të mëngjesit të sotëm në fshatin Proptisht të Pogradecit, ku një konflikt me armë të ftohta la të plagosur një person.

Sipas të dhënave zyrtare, ngjarja ka ndodhur mes dy kushërinjve me mbiemër Çela. I dëmtuari, i cili mori një goditje me thikë në pjesën e shpatullës, është transportuar menjëherë në spitalin e Pogradecit ku ndodhet nën kujdesin e mjekëve, jashtë rrezikut për jetën.

Ndërkohë, shërbimet e policisë kanë bërë të mundur kapjen dhe shoqërimin e autorit të ngjarjes, i cili është dërguar në Komisariatin e Policisë Pogradec për kryerjen e veprimeve të mëtejshme procedurale e ligjore.