Reperi i njohur Ledri Vula u bë pjesë e protestës së mbajtur mbrëmjen e së dielës në sheshin "Skënderbeu" në Prishtinë, në kundërshtim të vendimit të Gjykatës Speciale në Hagë ndaj ish-drejtuesve të Ushtrisë Çlirimtare të Kosovës.

Gjatë fjalës së tij përpara qytetarëve të mbledhur, artistit u shpreh se këtë herë nuk po fliste në cilësinë e këngëtarit, por si një person që e ka përjetuar luftën që në fëmijëri. Ai vuri nëdukje me interes të veçantë pjesëmarrjen e madhe të brezit të ri, ku shumë prej tyre nuk kishin lindur ende gjatë periudhës së konfliktit, duke e cilësuar praninë e tyre si një shenjë falënderimi dhe mirënjohjeje për sakrificën e çlirimtarëve që sot po dënohen padrejtësisht.

Në mbyllje të mesazhit të tij, Ledri Vula falënderoi protestuesit për mbështetjen e treguar dhe iu bashkua thirrjeve masive në mbështetje të UÇK-së, ndërsa tubimi vijoi me pjesëmarrjen e qindra qytetarëve.

Ledri Vula në protestën për UÇK në Prishtinë pic.twitter.com/hRT7LyUSef

— Euronews Albania (@EuronewsAlbania) September 20, 2026