Ekipi i Milanit ka siguruar një fitore të pastër në kampionat, duke mposhtur Leccen me rezultatin 3-0 në stadiumin "San Siro" dhe duke u ngjitur në vetëm dy pikë larg vendit të parë.

Kuqezinjtë e zhbllokuan sfidën që në minutën e 14-të përmes Christian Pulisic, i cili shfrytëzoi një pasim nga Strahinja Pavloviç për të dërguar topin në rrjetë me një goditje të saktë me të majtën. Pasi mbyllën pjesën e parë në avantazh, vendasit ruajtën kontrollin e lojës edhe pas pushimit, duke dyfishuar shifrat në minutën e 61-të me anë të Adrien Rabiot pas asistimit të Gonçalo Ramos.

Fitimi i tri pikëve u vulos përfundimisht në minutën e 73-të nga Diego Moreira, i cili realizoi golin e tretë me një goditje të saktë brenda zonës. Përpjekjet e minutave të fundit nga Lecce për të reaguar mbetën pa rezultat, duke lejuar Milanin të administrojë avantazhin deri në përfundim të takimit.