Partia në pushtet e presidentit Vladimir Putin po udhëheq numërimin paraprak të votave në zgjedhjet parlamentare në Rusi me 57.5% të mbështetjes elektorale. Të dhënat u bënë me dije nga Komisioni Qendror i Zgjedhjeve pas procesimit të rreth 14% të fletëve të votimit.

Procesi zgjedhor, i cili zgjati për tre ditë nga data 18 deri më 20 shtator, synon përcaktimin e 450 ulëseve në parlamentin rus. Votimet u zhvilluan edhe në territoret ukrainase të kontrolluara nga Rusia, veprim që ka nxitur reagime të ashpra dhe kundërshtim nga ana e autoriteteve të Kievit.

Presidenti Putin e ka vlerësuar këtë proces si një tregues të qartë të mbështetjes popullore për linjën e tij politike dhe veprimet ushtarake në Ukrainë. Ndërkohë, vëzhguesit dhe mediat ndërkombëtare theksojnë se zgjedhjet u zhvilluan nën një kontroll të rreptë shtetëror, ku shumica e kandidatëve që kundërshtonin luftën u sllikuan nga gara dhe forcat liberale si partia Yabloko patën mundësi mjaft të kufizuara pjesëmarrjeje.