Një ngjarje e rëndë ka ndodhur në fshatin Sinë të Njësisë Administrative Arras, në Bashkinë Dibër, ku ka humbur jetën një 31-vjeçar. Viktima është identifikuar si shtetasi Ervis Kaloshi.

Sipas të dhënave paraprake nga autoritetet policore, 31-vjeçari dyshohet se ka rënë në kontakt me rrymën elektrike ndërsa po peshkonte në ujërat e lumit Drini i Zi, kontakt i cili i ka marrë jetën menjëherë.

Trupi i pajetë i të riut po transportohet drejt morgut për t’ju nënshtruar ekspertizës mjeko-ligjore. Ndërkohë, grupi hetimor ka mbërritur në vendin e ngjarjes dhe po vijon punën për sqarimin e rrethanave dhe dokumentimin e plotë të këtij rasti tragjik.

Dibër/Informacion paraprak

Në fshatin Sinë, Njësia Administrative Arras, Bashkia Dibër, shtetasi E. K., 31 vjeç, dyshohet se duke peshkuar në lumin Drini i Zi, ka rënë në kontakt me rrymën elektrike dhe për pasojë, ka humbur jetën.

Trupi i pajetë i 31-vjeçarit, po transportohet për kryerjen e ekspertizës mjeko-ligjore.

Grupi hetimor ndodhet në vendngjarje dhe vijon punën për dokumentimin dhe sqarimin e plotë të rrethanave të ngjarjes.