Detaje të reja kanë dalë në dritë nga atentati me armë zjarri i regjistruar sot paradite në qytetin e Sarandës, ku mbeti i vrarë 42-vjeçari Artan Myrtaj. Viktima ndërroi jetë menjëherë në vendngjarje si pasojë e plagëve të marra nga të shtënat e njëpasnjëshme.

Nga të dhënat e para hetimore mësohet se sulmi është kryer nga dy persona të maskuar me skafandra, të cilët lëviznin me një motocikletë. Autorët i janë afruar targetit dhe kanë hapur zjarr në drejtim të tij. Gjatë të tëqëlluarave me armë, plumba qorr kanë kapur edhe një kalimtar të rastit, i cili ka mbetur i plagosur dhe është dërguar me urgjencë në spital për të marrë ndihmën mjekësore.

Grupi hetimor ka rrethuar menjëherë zonën e ngjarjes dhe po sekuestron kamerat e sigurisë përgjatë rrugëve kryesore. Ndërkohë, forcat e policisë kanë ngritur pika të shumta kontrolli në hyjje-daljet e qytetit dhe po krehin territorin me qëllim gjurmimin dhe arrestimin e dy autorëve të larguar me motor.