Një ngjarje e rëndë ka ndodhur në një shkollë publike në qytetin Cameta të shtetit Pará në Brazil, ku një nxënëse 17-vjeçare ka sulmuar me thikë mësuesen e saj të matematikës. Ngjarja ka ndodhur më 11 shtator brenda një klase të zbrazët, pak çaste pasi arsimtarja kishte përfunduar vlerësimin e një testi, çka dyshohet se ka qenë edhe shkaku i konfliktit për shkak të pakënaqësisë me notën e marrë.

Pamjet e kamerave të sigurisë kanë kapur momentin kur e mitura ka nxjerrë thikën dhe ka tentuar të godasë mësuesen pranë tavolinës së saj. Pas një përleshjeje ku arsimtarja u përpoq t’i merrte armën nga dora, ajo arriti të dilte nga klasa për t’i shpëtuar sulmit të mëtejshëm. Mësuesja u dërgua menjëherë në spital ku mori trajtim mjekësor për plagët e marra, ndërsa mjekët konfirmuan se dëmtimet nuk ishin jetike. Nxënësja u arrestua në vendngjarje nga autoritetet policore dhe do të përballet me masat e posaçme të sistemit të drejtësisë për të miturit.

🚨Update: Teen stabs teacher as she desperately fights for her life in deadly, caught-on-video attack! Just another reason to arm teachers! pic.twitter.com/JU6TzoLsyw

— US Homeland Security News (@defense_civil25) September 19, 2026