Barcelona ka marrë një fitore bindëse në transfertë ndaj Sevillas me rezultatin 3-1, në një përballje ku protagonisti kryesor ishte sulmuesi brazilian Raphinha. Me këtë sukses, skuadra e drejtuar nga Hansi Flick vazhdon marshimin e saj të fuqishëm në kampionatin spanjoll.

Sfidat në stadiumin “Ramón Sánchez-Pizjuán” nisën më mirë për vendasit, të cilët kaluan të parët në avantazh në minutën e 19-të me anë të Youssouf Fofana. Megjithatë, reagimi i katalanasve erdhi shpejt, ku vetëm tre minuta më vonë Raphinha barazoi shifrat me një aksion individual. Në pjesën e dytë, braziliani dominoi lojën duke shënuar dy gola të tjerë në minutat 52 dhe 69, për të kompletuar tripletën e tij personale dhe për t’i dhënë Barcelonës pikët e plota nga kjo transfertë e vështirë.