Për të katërtën natë me radhë, një numër i madh qytetarësh nga mbarë Kosova janë mbledhur në sheshin "Skënderbeu" në Prishtinë për të shprehur kundërshtimin e tyre ndaj vendimit të Dhomave të Specializuara të Hagës për katër ish-drejtuesit e Ushtrisë Çlirimtare të Kosovës.

Një nga organizatorët e këtij tubimi, Çlirim Haziri, deklaroi se protestat nuk do të ndalen dhe do të vazhdojnë deri në realizimin e plotë të kërkesës për drejtësi ndaj ish-krerëve të UÇK-së. Reagimet ndaj aktgjykimit të shpallur më 16 shtator ndaj Hashim Thaçit, Kadri Veselit, Rexhep Selimit dhe Jakup Krasniqit i kanë kaluar kufijtë e Kosovës, duke u shtrirë fuqishëm edhe në diasporë.

Përveç tubimit në Prishtinë, gjatë ditës së sotme janë zhvilluar protesta edhe nga komuniteti shqiptar në Zvicër e Gjermani, ndërsa manifestime të tjera mbështetëse janë paralajmëruar të mbahën edhe në Shtetet e Bashkuara të Amerikës përpara selisë së Organizatës së Kombeve të Bashkuara.