Kompania teknologjike Huawei ka publikuar raportin “Intelligent World 2035”, i cili paraqet 10 zhvillimet kryesore që pritet të formësojnë dekadën e ardhshme. Raporti, i hartuar pas konsultimeve me mbi 100 ekspertë ndërkombëtarë dhe dhjetëra punëtorive shkencore, analizon kalimin e inteligjencës artificiale nga asistentë digjitalë në sisteme autonome që veprojnë në botën fizike dhe transformojnë radikalisht biznesin, teknologjinë dhe jetën e përditshme.

AI hyn në botën fizike (hapi drejt AGI-së): Inteligjenca artificiale kalon nga modelimi i tekstit te perceptimi i mjedisit, marrja e vendimeve dhe veprimi i drejtpërdrejtë në botën fizike.

Agjentët AI si partnerë vendimmarrës: Kalimi nga chatbot-et te agjentët që marrin objektiva, analizojnë hapat dhe përdorin shërbime të ndryshme për të përfunduar detyra për bizneset.

Ndryshimi i programimit: Programuesit do të përqendrohen te arkitektura e sistemeve dhe inovacioni, ndërsa agjentët AI do të marrin përsipër kodimin dhe ekzekutimin.

Zëri, gjestet dhe AI ndryshojnë përdorimin e pajisjeve: Largimi nga ekranet e tastierat drejt ndërfaqeve multimodale që kuptojnë gjuhën e folur, tekstin dhe gjestet.

Aplikacionet u lënë vendin agjentëve AI: Aplikacionet kthehen në nyje shërbimesh në prapaskenë, të cilat koordinohen automatikisht nga agjentët AI sipas kërkesës së përdoruesit.

AI merr "trup" (robotët dhe automjetet autonome): Integrimi i AI në robotë dhe makina autonome të nivelit 4+, ku mbi 90% e familjeve në Kinë parashikohet të kenë robotë deri në 2035.

Rritja 100,000-fish e fuqisë kompjuterike: Kapaciteti kompjuterik global do të kërkojë arkitektura të reja përtej modelit klasik von Neumann dhe ndryshime në gjysmëpërçues.

Rritja 500-fish e ruajtjes së të dhënave (storage): Kërkesa për ruajtjen e të dhënave të AI do të rritet ndjeshëm, duke përbërë mbi 70% të kapacitetit të përgjithshëm global.

9 miliardë njerëz dhe 900 miliardë agjentë AI: Lindja e një "Agentic Internet" të ri për të përballuar komunikimin masiv mes miliarda sistemeve autonome dhe njerëzve.

Kërkesa e lartë për energji: Qendrat e të dhënave do të konsumojnë deri në 1.5 trilion kWh energji në vit, duke nxitur përdorimin e energjisë diellore dhe asaj të erës deri në 50% të miksit global.