Të shtëna me armë zjarri janë regjistruar sot në Tiranë, një i ri ka mbetur i plagosur ndërsa dyshimet e para janë se u plagos nga plumbi qorr.

Sipas informacioneve paraprake, i dëmtuari është dërguar për ndihmë mjekësore dhe ndodhet jashtë rrezikut për jetën.

Policia tha se u identifikua dhe u shpall në kërkim një 45-vjeçar, i cili dyshohet se ka qëlluar me armë zjarri në ajër, ku mbeti i plagosur një shtetas.

Shërbimet e Komisariatit të Policisë Nr. 4, pas njoftimit të marrë se rreth orës 03:30, në rrugën “Selaudin Zorba”, një shtetas kishte qëlluar me armë zjarri në ajër, organizuan punën dhe shkuan në vendngjarje, për të sqaruar rrethanat dhe autorësinë e rastit.

Si rezultat i veprimeve të para hetimore, u bë i mundur identifikimi i autorit të dyshuar, shtetasit Xh. Xh., 45 vjeç, i cili u shpall në kërkim dhe vijon puna për lokalizimin dhe kapjen e tij.

45-vjeçari, dyshohet se pas një konflikti për motive të dobëta ka qëlluar me armë zjarri në ajër. Si pasojë në afërsi të vendit të ngjarjes ndodhej shtetasi M. G., 37 vjeç, i cili ka mbetur i plagosur lehtë.

Materialet procedurale iu referuan Prokurorisë, për veprime të mëtejshme.

Foto arkiv