Sulmuesi anglez i Bayern Munich, Harry Kane, ka thyer rekordin historik si lojtari që arrin më shpejt kuotën e 100 golave në kampionatin gjerman, gjatë fitores me shifrat 7-0 kundër Union Berlinit në "Allianz Arena".

Kane arriti këtë shifër jubilare në ndeshjen e tij të 98-të në Bundesligë, duke realizuar dy gola gjatë këtij takimi.

Goli i parë i anglezit erdhi në minutën e 38-të nga pika e bardhë e penalltisë pas një faulli ndaj Michael Olise, ndërsa goli i dytë personal u shënua në fillimin e pjesës së dytë.

Me këtë arritje, Kane parakaloi rekordin e mbajtur që prej viteve 1970 nga Dieter Müller, të cilit i kishin u dashur 129 ndeshje me skuadrën e Këlnit për të arritur 100 gola.

Në pesë ligat kryesore evropiane, vetëm Cristiano Ronaldo e ka arritur më shpejt këtë shifër, duke shënuar 100 gola në 92 ndeshje me Real Madridin.

Prej kalimit të tij te Bayern Munich në verën e vitit 2023, Kane ka realizuar gjithsej 155 gola në 151 paraqitje në të gjitha kompedicionet.

Ai është shpallur golashënuesi më i mirë i Bundesligës në tre sezone rresht, si dhe ka fituar dy herë "Këpucën e Artë" Evropiane gjatë karrierës së tij me gjigantin bavarez.