Irlanda ka njoftuar zyrtarisht se do të bojkotojë Festivalin e Këngës në Eurovision për të dytin vit radhazi, në shenjë proteste ndaj pjesëmarrjes së Izraelit në këtë garë muzikore. Vendimi është konfirmuar nga transmetuesi publik irlandez RTÉ, i cili theksoi se pjesëmarrja nuk mund të arsyetohet përballë krizës humanitare dhe humbjes së jetëve të civilëve në Gaza, si dhe kufizimit të aksesit për gazetarët ndërkombëtarë.

Vendimi i Irlandës pason atë të transmetuesit holandez AvroTros, i cili po ashtu njoftoi mospjesëmarrjen në edicionin e ardhshëm me argumentin se organizimi nuk përputhet më me parimet e besueshmërisë, pavarësisë dhe humanitetit. Të dyja vendet, së bashku me Spanjën, Islandën dhe Slloveninë, kishin bojkotuar edhe edicionin e vitit 2026.

Festivali i Këngës në Eurovision 2027 është parashikuar të zhvillohet në Burgas të Bullgarisë, ku nata finale do të mbahet më 15 maj në "Arena Burgas".

Deklarata zyrtare nga transmetuesi irlandez:

— “RTÉ mendon se pjesëmarrja e Irlandës nuk mund të justifikohet duke pasur parasysh humbjen e tmerrshme dhe të vazhdueshme të jetëve në Gaza dhe krizën humanitare atje e cila vazhdon të vërë në rrezik jetën e kaq shumë civilëve.” — RTÉ