Qindra qytetarë janë mbledhur këtë të premte në sheshin "Skënderbeu" në Prishtinë, në mbështetje të katër ish-krerëve të UÇK-së dhe në kundërshtim të vendimit të Gjykatës Speciale, e cila më 16 shtator dënoi Hashim Thaçin, Jakup Krasniqin, Kadri Veselin dhe Rexhep Selimin me gjithsej 81 vite burgim.

Të pranishëm në protestë janë edhe kryetari i PDK-së, Bedri Hamza, si dhe disa deputetë të kësaj partie. Sipas pamjeve nga vendngjarja, qytetarët mbajnë në duar flamuj të UÇK-së, ndërsa sheshi është përmbytur nga mbështetësit e Thaçit, Krasniqit, Veselit dhe Selimit.

Para nisjes së protestës, Policia e Kosovës kishte bërë thirrje që qytetarët të mos mbajnë maska gjatë manifestimit. Njëkohësisht, autoritetet policore u kishin bërë thirrje protestuesve për kujdes dhe për të shmangur hedhjen e sendeve apo mjeteve të forta gjatë protestës.