Protestat kundër vendimit të Dhomave të Specializuara në Hagë kanë vijuar në Prishtinë, ku qytetarë të shumtë u mblodhën nën moton “Jo në emrin tim”. Tubimet organizohen pas dënimit të ish-drejtuesve të UÇK-së: Hashim Thaçit me 25 vjet burgim, Jakup Krasniqit me 25 vjet, Kadri Veselit me 18 vjet dhe Rexhep Selimit me 13 vjet burgim.

Në turmën e protestuesve ishin të pranishëm edhe fëmijët e Thaçit dhe Veselit, ndërsa organizatorët konfirmuan se aksionet qytetare do të vijojnë edhe në ditët në vazhdim. Për ditën e premte është paralajmëruar një tjetër tubim masiv i thirrur nga veteranët e luftës, me kërkesën për kthimin e të dënuarve dhe me thirrjen për ruajtjen e karakterit paqësor të protestave.

Deklarata e organizatorëve gjatë tubimit:

— “UÇK-ja ka nevojë për ne dhe ne do t’i përgjigjemi.” — Çlirim Haziri