Në Prishtinë vijProtesta kundër vendimit të Speciales: Djemtë e Thaçit dhe Veselit bashkohen me qytetarët

PRISHTINË — Endrit Thaçi, djali i ish-presidentit Hashim Thaçi, dhe Klestor Veseli, djali i ish-kryetarit të Kuvendit, Kadri Veseli, iu bashkuan protestës së organizuar kundër vendimeve të Dhomave të Specializuara, duke falënderuar qytetarët për mbështetjen e tyre ndaj ish-udhëheqësve të Ushtrisë Çlirimtare të Kosovës (UÇK).

Gjatë fjalës së tij para medieve, Endrit Thaçi theksoi pastërtinë e luftës çlirimtare dhe shprehu mirënjohjen për solidaritetin e treguar nga populli shqiptar.

“Dua t’i falënderoj të gjithë popullin shqiptar për mbështetje, jemi falënderues shumë. Populli është me UÇK-në, ushtria është e pastër”, deklaroi ai.

Nga ana e tij, Klestor Veseli mbështeti deklaratën e Thaçit dhe u kërkoi gazetarëve të fokusohen te zëri i qytetarëve të mbledhur në shesh.

“Nuk kam asgjë me shtu prej asaj që e tha Endriti. Ju ftoj t’i drejtoni mikrofonat, dëgjojeni popullin çka thotë”, u shpreh Veseli.