Shërbimet e Komisariatit të Policisë Nr. 1, në bashkëpunim me komisariatet Nr. 2, Nr. 3 dhe Nr. 4 në Tiranë, kanë finalizuar operacionin e koduar "Broken Door", duke vënë në pranga autorin e dyshuar të 16 vjedhjeve me thyerje në subjekte të ndryshme tregtare. Në pranga ka rënë shtetasi E. Gj., 34 vjeç, i cili kryente vjedhjet ndërsa ndodhej nën masën e sigurisë "Arrest në shtëpi" për të njëjtën vepër penale.

Sipas njoftimit zyrtar të policisë, 34-vjeçari futet me forcë në ambientet e brendshme të lokaleve duke thyer dyert, ku merrte shuma parash dhe produkte të ndryshme. Veprimtaria e tij kriminale u shtri përgjatë muajve gusht dhe shtator 2026 në zona të ndryshme të kryeqytetit:

Komisariati Nr. 2: 8 lokale të grabitura.

Komisariati Nr. 3: 4 lokale të grabitura.

Komisariati Nr. 1: 2 lokale të grabitura.

Komisariati Nr. 4: 2 lokale të grabitura.

Hetimet po vijojnë për të zbardhur dhe dokumentuar plotësisht të gjithë veprimtarinë kriminale të shtetasit E. Gj. në fushën e vjedhjeve. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë për veprime të mëtejshme ligjore.

Policia ka arrestuar autorin e dyshuar të vjedhjeve të 16 lokaleve në Tiranë, akte këto të kryera gjatë muajve gusht dhe shtator. 34-vjeçari i arrestuar me inicialet E.GJ., ndodhej me masë sigurie “Arrest në shtëpi”, për të njëjtin krim.

Sikurse mund të shihet nga video autori thyen derën e lokaleve duke u futur me forcë në ambientet e brendshme të tyre për t’i grabitur.

“Si rezultat i veprimeve hetimore të kryera në bazë të kallëzimeve nga administratorë lokalesh në zona të ndryshme të kryeqytetit, për vjedhje me thyerje në subjekte, të produkteve dhe shuma të parave, shërbimet e komisariateve të Policisë Nr. 1, Nr. 2, Nr. 3 dhe Nr. 4 finalizuan operacionin e koduar “Broken Door”, gjatë të cilit u ndalua nga shërbimet e Komisariatit Nr. 1, autori i dyshuar i 16 prej këtyre rasteve, shtetasi E. Gj., 34 vjeç”, thuhet në njoftimin e policisë.

“Nga këto veprime dyshohet se i ndaluari, gjatë periudhës gusht-shtator 2026, ka vjedhur me thyerje, shuma parash dhe produkte, në 8 lokale në territorin në juridiksionin e Komisariatit Nr. 2, në 4 lokale në territorin në juridiksionin e Komisariatit Nr. 3, në 2 lokale në territorin në juridiksionin e Komisariatit Nr. 1 dhe në 2 lokale në territorin në juridiksionin e Komisariatit Nr. 4. Nga verifikimet e mëtejshme rezultoi se 34-vjeçari ishte me masë sigurie “Arrest në shtëpi”, për veprën penale “Vjedhja”. Hetimet vijojnë për të zbardhur dhe dokumentuar plotësisht, veprimtarinë kriminale të shtetasit E. Gj., në fushën e vjedhjeve”, vijon njoftimi.

Materialet procedurale iu referuan Prokurorisë, për veprime të mëtejshme.