Kuvendi i Shqipërisë zhvillon sot seancën plenare, ku në qendër të vëmendjes do të jenë disa interpelanca urgjente të kërkuara nga opozita, si dhe shqyrtimi i një sërë projektligjesh me rëndësi. Punimet do të startojnë me miratimin e procesverbalit të seancës së kaluar dhe njoftimet zyrtare, për të vijuar më pas me ballafaqimin me kabinetin qeveritar.

Rendi i ditës parashikon pesë interpelanca, katër prej të cilave janë iniciuar nga Grupi Parlamentar i Partisë Demokratike me drejtuesit e Mjedisit, Punëve të Brendshme, Arsimit dhe Shëndetësisë. Ndërkohë, një tjetër kërkesë është paraqitur nga deputeti Blendi Himçi për Ministrin e Infrastrukturës dhe Energjisë.

Pas debatisht me anëtarët e qeverisë, ligjvënësit do të kalojnë në shqyrtimin dhe votimin e disa nismave ligjore. Mes tyre veçohen ratifikimi i konventave ndërkombëtare që lidhen me dëmshpërblimet për Ukrainën dhe përdorimin e inteligjencës artificiale. Gjithashtu, në rendin e ditës përfshihen ndryshimet në statusin e gjyqtarëve e prokurorëve, marrëveshjet për sektorin e ullirit, projektligji për disenjot si dhe rregullimet mbi kontrollin e shoqërive me ofertë publike.

Në pjesën e fundit të seancës, parlamentarët do të votojnë ndryshimet në përbërjen dhe drejtimin e komisioneve të përhershme, për t’i lënë hapësirë diskutimeve të lirë për çështje jashtë rendit të ditës.