BEOGRAD — Presidenti i Serbisë, Aleksandar Vuçiç, ka reaguar publikisht pas shpalljes së aktgjykimit nga Dhomat e Specializuara në Hagë ndaj katër ish-krerëve të Ushtrisë Çlirimtare të Kosovës (UÇK), të cilët u dënuan me 81 vite burgim gjithsej për krime lufte.

Gjatë një konference për mediat, Vuçiç u shpreh i pakënaqur me faktin se trupi gjykues rrëzoi gjashtë pikat e akuzës që lidheshin me krimet kundër njerëzimit, duke cituar kështu deklaratën e tij të plotë:

"E gjithë kjo nuk u mor parasysh dhe këto gjashtë akuza, të cilat kanë të bëjnë me krimet më të rënda kundër njerëzimit, nuk u shpallën fajtorë."

Sipas vendimit të shpallur nga Gjykata Speciale, Hashim Thaçi dhe Jakup Krasniqi u dënuan me nga 25 vite burgim, Kadri Veseli me 18 vite, ndërsa Rexhep Selimi me 13 vite burgim për krime lufte, ndërsa të gjitha akuzat për krime kundër njerëzimit u hodhën poshtë si të paprovuara.