WASHINGTON — I dërguari i posaçëm i ish-presidentit amerikan Donald Trump, Richard Grenell, ka reaguar ashpër ndaj deklaratave të Komisioneres Evropiane Marta Kos lidhur me ecurinë e procesit gjyqësor ndaj ish-krerëve të Ushtrisë Çlirimtare të Kosovës (UÇK) në Dhomat e Specializuara të Hagës.

Përmes një qëndrimi publik, diplomati amerikan bëri thirrje për ndërprerjen e menjëhershme të financimit dhe mbylljen e këtyre institucioneve, duke e publikuar të plotë këtë deklaratë:

"Jo. Të mbash dikë në burg për gjashtë vjet për diçka që pretendohet se ka ndodhur 25 vjet më parë, është e turpshme. Evropa duhet t’i reformojë institucionet e saj dhe politikat e saj. Kjo nuk është drejtësi; është aktivizëm i elitave. Është një tjetër njollë për Evropën. Financimi për këto gjykata radikale duhet të ndërpritet menjëherë."

Sipas Grenell, institucionet evropiane duhet të reformohen thellësisht, pasi mënyra e veprimit të gjykatave të tilla nuk përfaqëson drejtësinë, por një njollë dhe një aktivizëm të elitave.