Gjykata Speciale në Hagë ka shpallur vendimin e shkallës së parë ndaj katër ish-krerëve të Ushtrisë Çlirimtare të Kosovës (UÇK), duke i gjetur penalisht përgjegjës dhe fajtorë për krime lufte dhe krime kundër njerëzimit, mes të cilave ndalim i paligjshëm, trajtim mizor, torturë dhe vrasje e paligjshme.

Sipas aktgjykimit, dënimet e njësuara për secilin prej të katërve rezultojnë si më poshtë:

Hashim Thaçi: 25 vjet burgim Jakup Krasniqi: 25 vjet burgim Kadri Veseli: 18 vjet burgim Rexhep Selimi: 13 vjet burgim

Në të gjitha rastet, dënimet përfshijnë edhe kohën që secili ka kaluar deri tani në paraburgim.

Ky mbetet një vendim i shkallës së parë, ndaj të cilit palët kanë të drejtë të ushtrojnë ankim në shkallët më të larta të gjykatës – proces që, sipas afateve gjyqësore, pritet të nisë së shpejti.

Gjykata theksoi gjithashtu në mënyrë të qartë se ky aktgjykim nuk përbën një dënim apo gjykim kolektiv ndaj Ushtrisë Çlirimtare të Kosovës si organizatë, por bazohet ekskluzivisht në përgjegjësinë penale individuale të katër personave të përmendur.