Ceremonia e ndarjes së çmimeve Emmy 2026 ishte padyshim një nga netët më të mëdha dhe më emocionuese të botës së televizionit. Por përveç ndarjes së çmimeve për rolet dhe programet më të mira, vëmendjen e tërhoqën edhe veshjet e zgjedhura nga yjet e Hollywood-it.

Eleganca e përcjellë nëpërmjet veshjeve moderne u konsiderua si një spektakël më vete, duke veçuar yjet që spikatën më shumë në qilimin e kuq. Të pranishmit u shfaqën me krijime nga marka të njohura si Tom Ford, Chanel, Dior, Calvin Klein Collection, Monse dhe Valentino, pa lënë mënjanë edhe paraqitjet klasike me ngjyra.

Mes veshjeve më ekstravagante që u dalluan gjatë mbrëmjes ishin ato të Zendaya-s me Prada, Colman Domingo me Valentino, Grace Gummer me Dior, Selena Gomez me Louis Vuitton, Keri Russell me Khaite, Sarah Pidgeon dhe Nicole Kidman me Chanel, Carey Mulligan me The Row, si dhe Dakota Fanning me Carolina Herrera.

Aktori më elegant i mbrëmjes u cilësua Colman Domingo, gjithmonë një figurë e spikatur e modës, i cili zgjodhi një xhaketë në stil manteli nga Valentino, të kombinuar me pantallona me prerje të gjerë.