HANOVER — Partia Bashkimi Demokristian (CDU) ka dalë forcë e parë politike në zgjedhjet komunale të mbajtura në landin e Saksonisë së Poshtme (Niedersachsen), duke grumbulluar 27.2% të votave në nivel qarqesh, e ndjekur nga Socialdemokratët (SPD) me 24.6%.

Megjithëse dy partitë kryesore tradicionale pësuan rënie në krahasim me zgjedhjet e vitit 2021, partia e së djathtës radikale AfD shënoi rritjen më të madhe historike në këtë land duke u ngjitur në 15.9% të votave (nga 4.6% që kishte pesë vite më parë). Ndërkohë, Të Gjelbrit siguruan 14.1%, E Majta (Die Linke) mori 6.0%, ndërsa liberalët e FDP-së u ndalën në 3.7%.

Pjesëmarrja në votime shënoi një rritje të ndjeshme duke arritur në 64.6%, nga 57.0% që kishte qenë në procesin e mëparshëm zgjedhor. Kryetari i CDU-së në Saksoninë e Poshtme, Sebastian Lechner, e vlerësoi fitoren e partisë si një aftësi për t’i rezistuar pakënaqësisë së përgjithshme ndaj qeverisjes federale në Berlin, ndërsa kryeministri i landit nga radhët e SPD-së, Olaf Lies, e cilësoi rezultatin si zhgënjyes për subjektin e tij politik.